Размер шрифта: A A A
Цвет сайта: A A A A
22 Июня 2016
2016 йил 22 июн куни Тошкент шаҳрида Шанхай Ҳамкорлик Ташкилотига аъзо мамлакатлар маданият вазирларининг мажлиси ўтказилди.
Унда Қозиғистон Республикаси Маданият ва спорт вазири ўринбосари Г.А.Ахмедяров, Хитой Халқ Республикаси Маданият вазири Ло Шуган, Қирғизистон Республикаси Маданият, ахборот ва туризм вазири А.А.Максутов, Россия федерацияси Маданият вазирининг биринчи ўринбосари В.В.Аристархов, Тожикистон Республикаси Маданият вазири Ш.Ш.Орумбекзода, Ўзбекистон Республикаси Маданият ва спорт ишлари вазири Б.Ахмедов ва ШҲТ бош котиби Р.К.Алимов иштирок этди. Мажлисни Ўзбекистон Республикаси Маданият ва спорт ишлари вазири Б.Ахмедов бошқариб борди.
1466654565_576ae23af2624.jpg
ШҲТга аъзо давлатларнинг маданият вазирлари томонидан ўтган давр мобайнида маданият ва санъат соҳаларида ҳамкорликнинг ривожланиши дўстона ҳамжиҳатликда атрофлича муҳокама қилинди. ШҲТга аъзо мамлкатларнинг маданият соҳаси бўйича ҳамкорлик тўғрисидаги давлатлараро Битим (Бишкек, 2007 йил 16 август) ва маданият вазирлари йиғилишидаги келишувларнинг ижроси ҳақида фикр алмашилди.
1466660092_dsc_5309.jpg

Мажлис қатнашчилари томонидан ШҲТ доирасида келгусида маданий алоқаларни ҳамкорликда янада ривожлантириш, ҳамжиҳатлик ва ўзаро ҳурматнинг мустаҳкамланиши, турли халқлар ва динларнинг бирдамликда камол топиши, ШҲТга аъзо давлатлар халқларининг кўп асрлик анъаналари ва урф-одатлари бўйича билимларни кенг тарғиб қилишга эришиш лозимлиги билдирилди. ШҲТ кузатувчи давлатлар ва ҳамкор томонлар билан маданият ва санъат соҳасида икки томонлама ва кўп томонлама ҳамкорликни ривожлантириш масалаларига ҳам тўхталиб ўтилди. Келгусида ШҲТ ҳудудида, шу жумладан буюк ипак йўли бўйлаб маданий меросни сақлаш ва ўрганиш бўйича икки томонлама ва кўп томонлама ҳамкорликни ривожлантиришга алоҳида эътибор қаратилади. Шунингдек, мажлисда маданий бойликларни талон-тарож қилиш ҳамда уларни ноқонуний олиб кириш ва олиб чиқиш, архитектура йодгорликларини реэстри ва маълумотлар базасини яратиш, маданий йодгорликларни муҳофаза қилиш, ноёб санъат асарларини таъмирлаш-тиклаш ва бошқа йўналишлар бўйича мутахассисларни тайёрлашда ҳамкорликни жонлантириш масалалари келишилди. Меҳмонлар томонидан Ўзбекистон Республикаси Маданият ва спорт ишлари томонидан кўрсатилган алоҳида эътибор ва улар учун ўзбекистон санъат намоёндалари иштирокида ташкил этилган концерт дастури учун миннатдорчилик билдирилди. ШҲТга аъзо мамлакатлар маданият вазирларининг навбатдаги йиғилишини 2017 йил 22 июн куни Астана шаҳрида ўтказилиши тўғрисидаги Қозоғистон Республикаси томони таклифи кўриб чиқиш учун қабул қилинди. Шу каби тадбирларнинг ташкил этилиши давлатлараро тотувликнинг ортиши, маданият ва санъат соҳасининг ривожланиши каби масалаларда муҳим ўрин тутиши таъмидланди.

Источник: Matbuot xizmati
Просмотров: 10
icon-instagram.png icon-facebook.png
Created with Snap
Нажмите чтобы прослушать выделенный текст! Powered by GSpeech