Размер шрифта: A A A
Цвет сайта: A A A A
uznavo struktura.jpg

Konsert-tomosha faoliyatini lisenziyalash bo'limi

Maxsus ruxsatnoma (litsenziya) beruvchi tashkiliy boshqarma boshlig'i Abduqahhorov Odiljon Abduganievich

Vazifalar va funktsiyalar

Namangan viloyati Kosonsoy tumanida tug'ilgan. 2008 yil Namangan Muhandislik-iqtisodiyot institutini tamomlagan. Ish faoliyatini “Kamolot” YoIH Namangan viloyat bo'limi Kengashi “Yoshlarning ijtimoiy-iqtisodiy masalalari, korxona, tashkilot, muassasa va mahalladagi yoshlar bilan ishlash” bo'limi etakchi mutaxassisi lavozimida boshlab, keyinchalik bo'limi mudiri, 2008-2011 yillarda “Kamolot” YoIH Markaziy Kengashi apparatining “Yoshlarni ijtimoiy-iqtisodiy qo'llab-quvvatlash, tadbirkorlik va bandlikka ko'maklashish” bo'limi etakchi mutaxassisi, bosh mutaxassis lavozimlarida faoliyat yuritgan.

2012 -2015 yillar davomida “O'zbeknavo” estarda birlashmasi Kadrlar bo'limi boshlig'i lavozimida, 2015 yildan Maxsus ruxsatnoma (litsenziya) beruvchi tashkiliy boshqarma boshlig'i lavozimida faoliyat yuritmoqda. Oilali, 3 nafar farzandi bor.

Qabul kunlari: seshanba va payshanba soat 11-00 dan 13-00 ga qadar

Milliy estrada san'atini rivojlantirish va muvofiqlashtirish kengashi huzuridagi Ijodiy ko'maklashuvchi vakillar guruhining xulosasiga ko'ra Kontsert-tomosha faoliyati huquqi uchun litsenziyalarni rasmiylashtirish, estrada san'ati sohasida axborotlar yig'ish bo'limning asosiy vazifasi hisoblanadi.

Shuningdek, bo'lim, litsenziya talabgorlariga litsenziya olish tartiblarini O'zbekiston Respublikasi Vazirlar Mahkamasining 2001 yil 26 iyundagi 272-sonli, 2003 yil 11 noyabrdagi 498-sonli qarorlari asosida tushuntirish va litsenziya olish uchun kerakli hujjatlarni tayyorlash, kontsert-tomosha faoliyati bilan shug'ullanuvchi yuridik va jismoniy shaxslarning litsenziya olish uchun taqdim etgan hujjatlarini har 15 kunda o'tkaziladigan Ijodiy ko'maklashuvchi vakillar guruhiga taqdim etish, Ijodiy ko'maklashuvchi vakillar guruhini litsenziya berish yoki rad etish to'g'risida qabul qilgan qarorlarni uch kun muddatda ariza bergan yuridik yoki jismoniy shaxslarga va hududiy bo'linmalarga yozma (elektron) ravishda etkazish, o'rnatilgan tartibda litsenziya bitimini imzolash va litsenziya talabgori tomonidan davlat boji to'langanligini tasdiqlovchi hujjat taqdim etilganidan keyin uch kun muddatda litsenziya blanklarini rasmiylashtirilishini ta'minlash, kontsert-tamosha tadbirlarida, ko'ngilochar muassasalar, klublar, diskotekalar, restoran, kafe-barlarda, shuningdek, tele va radio efirlarda faqatgina tegishli litsenziyasi mavjud bo'lgan ijrochi – jismoniy va ijodiy jamoa – yuridik shaxslarning chiqishini oldini olish maqsadida Davlat soliq qo'mitasi, Ichki ishlar vazirligi hamda Birlashmaning hududiy bo'linmalari tomonidan hamkorlikda o'tkaziladigan qo'shma reyd tekshiruvlarini tashkil qilish, litsenziyasiz faoliyat ko'rsatayotgan shaxslarni litsenziyaga tortish bo'yicha zarur choralar ko'rish, litsenziya olgan yuridik yoki jismoniy shaxslar to'g'risidagi ma'lumotlar bo'yicha alohida reestr yurgizish, berilgan litsenziyalar bo'yicha rahbariyatga, Moliya vazirligi hamda Davlat soliq qo'mitalariga o'rnatilgan tartibda axborot berish, yilning har choragida berilgan litsenziyalar bo'yicha hisobotlar tayyorlash, muntazam ravishda tegishli boshqarmalar bilan hamkorlikda ishlashni amalga oshiradi.

Konsert-tomosha faoliyatini lisenziyalash  bo'limi boshlig'i yoki uning vazifasini bajaruvchi berilgan litsenziyalarni o'rnatilgan tartibda rasmiylashtirilishiga shaxsan javobgardir.
Qabul kunlari: har kuni soat 10.00 dan 15.00 gacha.

Aloqali ma'lumotlar
Telefon: 235-31-70
Faks: 235-41-15

Konsert-tomosha faoliyatini tashkil etish bo'limii

Kontsert-tomosha faoliyatini tashkil etish boshqarmasi boshlig'i Sayfullaev Muzaffar Alisherovich

Vazifalar va funktsiyalar

Toshkent shahrida tug'ilgan. 2006 yili Toshkent davlat madaniyat institutini tamomlagan. Madaniyat tarixi va nazariyasi magistri. Mehnat faoliyatini Toshkent davlat madaniyat instituti Amaliyot bo'limida boshlab, keyinchalik Ichki nazorat va monitoring bo'limi boshlig'i, 2012 yildan “O'zbeknavo” estrada birlashmasida Bosh direktor yordamchisi lavozimlarida ishlagan. 2013 yildan Axborot kommunikatsion texnologiyalar va matbuot xizmati bo'limi boshlig'i,  2017 yil avgust oyidan Konsert-tomosha faoliyatini tashkil etish bo'limi boshlig'i lavozimida faoliyat yuritmoqda. Oilali 1 nafar farzandi bor.

Qabul kunlari: dushanba, chorshanba 10-00 dan 12-00gacha.


Aloqali ma'lumotlar
Telefon: 235-52-80
Faks: 234-50-99

Axborot kommunikatsion texnologiyalar va matbuot xizmati bo'limi

Bo'lim boshlig'i O'rozmatov Vaxobjon

Vazifalar va funktsiyalar






 

Qabul kunlari: dushanba, chorshanba 10-00 dan 12-00gacha.



Aloqali ma'lumotlar
Tel: 234-60-47

Kadrlar bo`yicha inspektor

Kadrlar bo`yicha inspektor Raupova Zebo

Vazifalar va funktsiyalar


Kadrlar bo`yicha inspektorning funktsional vazifalari

Muassasaning nomenklaturasiga hamda hisob-nazorat nomenklaturasiga kiruvchi lavozimlarga xodimlarni tanlash ishlarini muvofiqlashtirish hamda Direktorga takliflar kiritish; lavozimga tayinlangan xodimlarning shaxsiy hujjatlari yig'majildini shakllantirish va doimo tegishli ma'lumotlar bilan to'ldirib borish; lavozimga tayinlangan xodimlarning xizmat guvohnomalari hisobini yuritish, xodimlarning kasallik varaqalari, xizmat safari guvohnomalarini qayd etib borish; bo'lim faoliyatiga doir ariza, shikoyat, takliflarni o'rganishda qatnashish; xodimlarni attestatsiyadan o'tkazish yuzasidan takliflar tayyorlash; xodimlar hisobi bo'yicha davlat statistika hisobotini o'rnatilgan tartibda tuzish va tegishli organlarga taqdim etish; Birlashma tizimidagi xodimlarni rag'batlantirish va mukofotlash ishlariga metodik rahbarlik qilish va boshqarish; rahbariyat ko'rsatmasi asosida xodimlarga oid masalalar bo'yicha buyruq loyihalarini tayyorlab, imzolashga kiritish;

estrada san'ati rivojiga munosib hissa qo'shib kelayotgan san'atkorlarning nomzodlarini davlat mukofotlariga tavsiya etish uchun Birlashma rahbariyatiga takliflar tayyorlash; Birlashma markaziy apparati, tizimga kiruvchi tashkilotlar, Qoraqalpog'iston Respublikasi, viloyatlar va Toshkent shahar bo'linmalari rahbar xodimlarining mehnat daftarchalarini ro'yxatga olish, yuritish va saqlash; Birlashma markaziy apparati shaxsiy tarkibining T-2 shakldagi kartotekasini yuritish; Birlashma markaziy apparatidagi yoshga doir nafaqaga chiquvchi xodimlarning hujjatlarini tayyorlash, tizimda ishlab, nafaqaga chiqqan xodimlarga ularning ishi haqidagi arxiv ma'lumotnomalarni berish; maxsus ruxsatnoma (litsenziya) beruvchi tashkiliy boshqarma hamda hududiy bo'linmalar bilan hamkorlikda estrada yo'nalishida ijod qilayotgan san'atkorlarga oid barcha ma'lumotnomalarini (spravka ob'ektivka) tayyorlash va ularni yangilab borish; Xalqaro aloqalarga oid masalalarni o'rnatilgan tartibda amalga oshirish hamda estrada ijodkorlarining xorijga chiqishini muvofiqlashtirish.



Aloqali ma'lumotlar
Тел: 234-60-98

e-mail:  info@uzbeknavo.uz

Belgilangan matnni tinglash uchun quyidagi tugmani bosing Powered by GSpeech